🕋 Makka — musulmonlarning eng muqaddas shahri bo‘lib, Ka’ba joylashgan maskan. Har yili millionlab hojilar Umra va Haj amallarini bajarish uchun shu yerga tashrif buyuradilar. Makka o‘zining tarixiy joylari, masjidlari va ruhiy muhit bilan mashhur.

Madina — musulmonlar uchun ikkinchi muqaddas shahar. Bu yerda Payg‘ambarimiz Muhammad ﷺning masjidi — Masjid an-Nabaviy joylashgan. Har yili millionlab musulmonlar ruhiy osoyishtalik va ibodat uchun tashrif buyuradilar.

Jidda — Saudiya Arabistonining eng yirik port shahri va mamlakatning g‘arbiy qismida, Qizil dengiz sohilida joylashgan. Shaharning qadimiy qismi — Al-Balad, tarixiy binolar, tor ko‘chalar va qadimiy savdo markazlari bilan mashhur. Jidda zamonaviy osmono‘par binolari, hashamatli mehmonxonalari va savdo markazlari bilan ham sayyohlarni jalb qiladi. Shuningdek, shaharda suzish, snorkelling va dengiz bo‘ylab ekskursiyalar kabi dam olish imkoniyatlari mavjud.

Ar-Riyod shahri — Saudiya Arabistonining poytaxti va eng yirik shahri bo‘lib, zamonaviylik va an’anaviy arab madaniyatini o‘zida uyg‘unlashtirgan. Ar-Riyod tarix, madaniyat va zamonaviy hayotni birgalikda his qilishni istagan sayyohlar uchun qiziqarli manzildir.